新詩組 佳作
- 適用身份：李俊東〈關於阮呷阮阿爸的代誌〉
- 最後修訂日期：
⊙厝夢
記憶中，阿爸揹著阮
細漢時期，伊
挑著水泥沙石替人起大厝
阮蹲在一旁玩磚頭
散赤的年代，也無憂愁
總覺得這款工作
拖鏟堆攤親像阿爸的神勇。
讀冊時，
老師若要我講起志願——
做工。
伊就要我再想看覓咧
是歹勢？
啥人敢講！
阮阿爸要是聽了一定開嘴罵。
畢業後，同學攏相爭考高中
哈哈！猶咧做白日夢。
阮問阿爸：
值咧鬥鬧熱
咱鬥陣起厝做工拼過
才不會互人看輕。
但是，
阿爸伊對阮講：
呸通擱再做阿西！
請恁記咧，
要趁少年時節趕緊讀冊，
要起就起咱的大厝——
才有希望。
⊙阿爸的辦公廳
阿爸有一間可以流動的辦公廳，
伊底人客來往穿梭在身邊，
辦公廳外的風景
攏嘛在改變
一個個面孔鬥陣擱來來去去
有時在基隆。
有時在淡水。
阮阿爸
有一間黃色的辦公廳
歲月在伊底手中，
握成一個圓。
看伊啥物攏嘸驚地在赤艷日投下打拼，
為著全家的生活，把油門加緊
要是遇到拿白布的自力救濟
伊就傷透腦筋
落雨天更沒法度怨天公伯仔。
阿爸的四輪辦公廳
沒幾坪大
卻是阮全家人假日最想去的所在
進了辦公廳，
可以到基隆嘛
可以到淡水。
有時間伊跑整暝咁會累？
伊攏笑笑講慣習就好，
只要阮乖乖，做有用的人。
下次你若看到阮司機阿爸的
黃色計程車
歡迎來坐相照顧！
|回到頁首
|
返回第十四屆
|
